Muziek chris kiel, twij deuntjes

Gepubliceerd op 25 maart 2015 | door Jan Glas

0

Radio-fulliton van Chris Kiel in Twij Deuntjes

Zo studdie aan wordt t n beetje tradietsie davve tiedens de Grunnneger Weke op Noord in ons pergram aandacht besteden aan n Grunneger schriever. Dizze weke hevve Chris Kiel uut Waarvem in ons pergram. En verder pak we uut mit 5 volle ofleverns mit veuraal meziek van nou.

Aine van de grode verrazzens van de Dagblad van het Noorden Streektoalpries 2014 was mit recht de eerste pries veur de verhoalenbundel ‘Weerzain’ van de Grunneger schriever Chris Kiel. Stichten Grunneger Bouk, de uutgever van t Grunneger cultureel tiedschrift ‘Toal en Taiken’, het t in novembermoand as begunstegersgeschenk veur heur leesders uutgeven. De schriever Chris Kiel, dij van zien affeer leroar Nederlaands west is, schrift haile aigentiedse körde verhoalen mit regelmoateg verwiezens noar de Nederlaandse literatuur. Hai schrift verhoalen dij bie zetten hail dreugkomisch binnen en minsen doardeur tou gnivveln zet. Hai het n smuie pìnne en holdt joe doarbie goud bie de les, mor aalgedureg zet e joe wel ais op t verkeerde bain, din vaalt der veur de leesder hail wat te roaden. Specioal veur de Grunneger Weke op Radio Noord het Chris t titelverhoal van zien bouk ‘Weerzain’ opdaild in twij ofleverns en aansloetend t verhoal ‘ Putjes in t parket’ as n radio-fulliton opdaild in drij ofleverns. Ze worden dizze weke tegen haalf zeuven in Twij deuntjes uutzonden. Verder staait dizze haile weke as vanzulf in taiken van de Grunneger meziek van nou en elke oavend heuren ie n kollegoa van Noord n Grunnegs laid aanpriezen, doar ze echt de slinger aan hebben.

Klik HIER veur de speulliest.

(Foto © Henk Scholte)

Tags: ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

veertien − twee =

Terug naar boven ↑
  • Muziek activiteiten

    Geen nieuwe activiteiten