Literatuur

Gepubliceerd op 29 augustus 2013 | door Webloug

0

Prizzentoatsie verhoalenbundel ‘Schrijvers op streek’

Op 13 september verschient t bouk ‘Schrijvers op streek’, n verzoameln korde verhoalen ien streektoalen mit vertoalen. Op vrijdag 13 september om 20:00 uur wordt t bouk prizzenteerd ien boukhandel Godert Walter ien Stad. Op vrijdag 20 september om 14:00 uur wordt t bouk veur twijde moal prizzenteerd ien Erve Kots ien Lievelde.

Soamensteller Jan Sleumer vroug 20 schrievers n verhoal te levern, de vertoalen ien t Nederlands staait noast de oertekst ofdrukt. Fotogroafe Iris Réthy het van elke schriever n iendringend petret moakt. Zo ontston n boeiend mozaïk ien woord en beeld van de literatuur ien de diverse streektoalen dij ons laand riek is.

Ien t bouk stoan verhoalen van: Jetske Bilker, Herman Finkers, Godelieve van Gemen-Bruijen, Ate Grypstra, J.K. Harms, Frank van der Heijde, Derk Jan ten Hoopen, Melle Hijlkema, Marga Kool, Lukas Koops, Michel de Koning, Gerrit Kraa, Henk Krosenbrink, Anne van der Meiden, G. Rapaille, Engel Reinhoudt, Koba Schlemmer, Ina Slot, Cor Swanenberg en Johan Veenstra
Vrijdag 13 september prizzentoatsie ien:
Boukhandel Godert Walter, oude Ebbingestraat 53, Stad
Aanvang 20:00 uur
Entree is vergees 
t Aantal plekken is bepaarkt, aanmelden veur prizzentoatsie via boukhandel Godert Walter: info@godertwalter.nl of 050 3122523 of opgeven ien winkel zulf.
De veurdrachten van zes schrievers worden ofwizzeld mit muzikoale biedroagen deur Duo Mokumer Molleboon (Winfried Veenker/Jan Sleumer)
Twijde prizzentoatsie:
Vrijdag 20 september 
Erve Kots, Eimersweg 4, 7137 HG Lievelde (tussenGroenlo en Lichtevoorde)
Aanvang: 14:00 uur
Entree: 5 euro
O.a.v. Dialectkring Achterhoek & Liemers
Organizators van dizze streektoalmirreg binnen de schrievers oet de Achterhoek: Derk Jan ten Hoopen (0528-373650, hoope113@planet.nl) en Henk Krosenbrink (0543-514329).
Ien Lievelde zellen de veurdrachten van zeuven schrievers ofwizzeld worden deur de muziek van schriever/zanger Engel Reinhoudt en het Duo Mokumer Molleboon.
t bouk is te koop veur €16,50 (en as ebook veur €9,99)
Kiek veur meer informoatsie op webstee van oetgeverij kleine Uil

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten