Literatuur

Gepubliceerd op 16 december 2014 | door Webloug

0

Prizzentoatsie verhoalenbundel Chris Kiel as begunstegersgeschenk Toal & Taiken

Zodderdag 13 december is t begunstegersgeschenk van Toal & Taiken prizzenteerd, dit geschenk krigt elke abonnee van Toal & Taiken en is veur nait abonnees te koop veur € 10,00. Dit joar is de verhoalenbundel ‘Weerzain’ van Chris Kiel t geschenk. Kiel publiceert al n nuver aantal joaren zien korde verhoalen ien t tiedschrift Krödde.

Aanlaaiden veur zien eerste verhoal ien dit tiedschrift was t opstappen, noa 25 joar, van Hanny Diemer as hoofdredakteur ien 2006. Hoofdpersoon ien dat eerste verhoal van is Ebbert Venemoa, dezulfde Ebbe dij ook n hoofdrol speult ien de verhoalenbundel van Hanny Diemer: ’t Volle leven van Ebbert Venemoa’, oetgeven ien 1992. Ebbert Venemoa is t alter ego van de bekende Grunneger Henk Scholte, dij ien de begunjoaren van Krödde lid van redaksie was. Noa dit eerste vehoal volgden meer verhoalen, woarvan n groot dail ien dit begunstegersgeschenk terecht kwam.

Prizzentoatsie was ien t Openluchtmuseum Het Hoogeland ien Waarvum en wer laaid deur Jan Groenbroek, hoofdredakteur van Toal & Taiken. t Bouk wer deur Chris Kiel aanboden aan Hanny Diemer.

Kiek veur meer informoatie op de site van Stichting t Grunneger Bouk.

(foto’s: Jan Glas, bovenste foto: Jan Groenbroek, foto onder: Chris Kiel en Hanny Diemer)

Tags: , , , , , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten