Literatuur

Gepubliceerd op 14 november 2012 | door Webloug

0

Poëzie en muziek ien Opende 16 november


Opende – Gat van ellende? n Muzikant en drij dichters woagen de sprong. Lukt t heur t gat te dichten of dompeln ze t dörp ien dovve treurnis? Kom t beleven 16 november tiedens n biezundere muziek- en poëzieoavend ien t Brontheoater Opende.

Drij ien t Westerketier geboren en woonachtege dichters en n aan de Vraize kaant van de grins geboren ‘alleskunner’ organizeren n oavend mit poëzie, verhoalen en muziek.

Meindert Talma, muzikant en schriever ofkomsteg oet Surhuisterveen zörgt veur de muziek, n poar gedichten en zulfs n verhoal. Hai zel veur t eerst ien t Westerketiers zingen. Willem Tjebbe Oostenbrink oet Zuudhörn zel gedichten veurdroagen en zulfs n aigen tekst zingen. Klaas Duursma oet De Wilp zel gedichten veurdroagen en de Moaremer Melle Hijlkema leest gedichten en verhoalen veur. t Pergram is ofwizzelnd ien t Grunnegs, Vrais en Nederlands, de toalen van Opende.

(Foto: Tea Oostenbrink-Wiloch)

Kiek veur meer informoatsie op www.barontheater.nl

Vrijdag 16 november 
Aanvang 20:00 uur
Barontheater Verbindingsweg 9 Opende
Entree: 6 euro

Tags: , , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten