Plakette onthuld met gedicht van Willem Tjebbe Oostenbrink
Woensdag 18 februoarie is et laandienrichtengsprojekt Lutjegast-Doezum feestelek ofsloten. Gedipputeerde Staghouwer en veurzitter van de ruilverkoavelengs-kommissie Mark de Haan hemmen n plakette over de ruilverkoaveleng aan de Caspar de Roblesdiek ien e gemeente Grodegast onthuld. Ter gelegenheid van de ofsluteng het dichter Willem Tjebbe Oostenbrink et gedicht ‘Over laand en licht’ veur de plakette schreven en veurdroagen.
t Projekt is tussen 1990-2015 uutvoerd deur de laandienrichtengskommissie Lutjegast-Doezum ien opdracht van e pervincie Grunnengen. Ien n gebied van 2500 bunder bennen allerhaande warkzoamheden verricht veur de verbetereng van e laandbaauw, wotterhuusholdeng, noatuur en rekreoatsie.
Ien t gebied bennen gronden ruild, woardeur boeren t laand dichter bij huus kregen. n Grode verbetereng veur de boerenbedrieven en veur de dörpen die veul minder landbaauwverkeer hemmen.
Ien e Grodegastmermeulenpolder is de wotterbeheerseng stark verbeterd. 140 bunder noatuurgebied is ienricht as onderdeel van et Natuurnetwerk Nederland. Vedders bennen der nije wandel- en fietspoaden anleit en wegen opknapt.
(Foto © Mark Schuurman)
Gerelateerde berichten
Gedicht van de Week van Willem Tjebbe Oostenbrink →
Willem Tjebbe Oostenbrink leest 14 meert veur ien Pervincioale Stoaten →
