Algemeen no image

Gepubliceerd op 14 februari 2012 | door Webloug

0

Pergrammoamoaker Gerard Beukema oet tied kommen

GRONINGEN – Ien zien woonploats Stad is afgelopen zodderdag Gerard Beukema oet tied kommen.

Beukema was joarenlaang hoofd van Grunneger pergrammoa’s van de RONO, de veurloper van Radio Noord. Hij was slim sekuur op spellen van laidjesschrievers, teksten werden deur hom persoonlek corrigeerd. Gerard Beukema is 82 joar worden.
Henk Scholte schreef veur Webloug vandoag:
‘Dizze Gerard Beukemoa van Hoogelaandster Boeren komof was vrouger de grode man achter de Grunnegstoalege uutzendens bie de RONO zo om en bie eind joaren viefteg, zesteg tot aargenswoar in de joaren zeuventeg. Hai is dou overstapt noar tille…vizie en wuir t gezicht van Internationaal Agrarisch Nieuws. Wieders was e ook nog hail actief in de weer veur de Grunneger Culturele Gemainschop, doudestieds nog onder laaiden van Swier Broekemoa. Hai was ook degene dij mitwaarkt het aan de soamenstellen van de Grunneger spellen uut 1984 en zat in n kemizzie veur t vertoalen van Biebel.Veur t museumwezen het e ook hail veul uut stro zet, benoam veur Waarvem en Börg Verhildersum. Hai was n groot kenner van raive veur de landbaauw.’

Tags:



Reacties zijn gesloten

Terug naar boven ↑
  • Activiteiten