Muziek

Gepubliceerd op 30 mei 2013 | door Webloug

0

Optredens van De Vis en de Waterman III



De Vis en de Waterman III trekt ien Maai en juni deur pervinzie Grunnen mit t pergrammoa Altied Wat Aans. De Vis en de Waterman bestaait oet Jan Kuiper en Gert Sennema, dizze daarde editie wordt verstaarkt mit Arnold Veeman. Sennema en Kuiper kommen baaid oet t Westerkwartier woar ze mekoar geregeld tegenkommen. Gert is beeldhouwer, muzikant, theoatermoaker en aanpittjeder van de streektoal, ien 2012 kreeg e de K. ter Laanpries 2011 veur zien Grunneger aktiviteiten. Jan Kuiper is muzikant, componist, docent, organizoator van festivals en aanpittjeder van wereldmuziek.

Ien 2010 en 2011 waren de eerste twij edities van De Vis en de Waterman, ze stonden ien t taiken van “thuiskomen” en “oost en west”. Muzikanten, schrievers en kunstenoars (Abdelkader Benali en Adriaan van Dis) werden nuigd om n biezundere veurstellen te moaken.
Ditmoal is componist/muzikant/zanger Arnold Veeman vroagd mit op raais te goan deur pervinzie Grunnen. Veemans muziek is onderhand te heuren op ale continenten mor hai woont nog aal ien Kloosterboeren.

Ien de daarde editie, mit de titel Altied Wat Aans, vertelt elk van dizze drij mannen zien aigen levensverhoal, mannen oet Grunnen. Ze speulen, laggen en vertellen. Je kinnen HIER meer lezen en oetvienden wanneer en woar ze optreden.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten