Algemeen

Gepubliceerd op 13 maart 2013 | door Webloug

0

Openboare repetitie Theatergroep WAARK op Dag van de Grunneger Toal

Vleden joar oogstte de nije WAARK-productie Haardloper Huzengoa veul succes. n Prachtege recensie, lovende reacties van t publiek en sikkom allinneg mor oetverkochte zoalen.

Ientied binnen de veurberaaidens veur de nijste productie, De Nije Man, al weer ien volle gang! Soamen mit de muziektheoaterveurstellen De Nieuwe Man van vleden veurjoar ien Appingedam vörmt dit n twijloek mit as boases de roman van Thomas Rosenboom.

Bie De Nieuwe Man lag t accent op alles wat hom boeten op scheepswaarf òfspeulde en wer t verhoal verteld vanoet t perspectief van de vaaier hoofdrolspeulers.
Ien de toneeloetvoeren van WAARK ligt de noadruk op wat hom binnenskoamers veurdut, en wordt t verhoal veuraal verteld vanoet t perspectief van de kapper.
Der is n schiere cast, mit onder meer Ben Smit ien de rol van Bepol en Anka Roggeveen as zien vraauw.

Repetities binnen nog vol ien gang! Tiedens de Dag van de Grunneger toal krigt bezuiker n uniek kiekje achter de schaarms, ien de vörm van n openboare repetitie.

Pergram van Dag van de Grunneger Toal is HIER te lezen.

Tags: ,



Reacties zijn gesloten

Terug naar boven ↑
  • Activiteiten