Column Jan de Jong, column

Gepubliceerd op 26 mei 2017 | door Webloug

0

‘Op loop’ column van Jan de Jong

Op loop

Ien toen, midden veur t glaas zit e.
n Blaauwe overaal, raim om t lief, stevels en n alpino.
Schuuns achter hom n rond bord.
‘Viefteg’.

Zien vraauw haar heur best doan.
Buurvraauw haar geliek heur Hinderk zien overaal oetwóssen en stevels òfbount.
Alpino kon der mit deur. Ien schuurtje haar nog n ol stoul stoan.

Manager is e.
Veur elk dij t mor heuren en nait heuren wil.
Oavendschoul.
En altied strak in t pak en strik veur.
Hai wil hom dommee nog n motor kopen, n Harley.
Sums zain wie hom runnen. In zo’n maauwhemd, dij vraauwlu zo schier staait.
n Lief, dij hom nogal ais ien weeg zit.
Of bie stroat laangs vlaigen mit t snöt veur d’ogen. Op n nijmoodse race fiets.
‘Mit zunder batterijen’, haar buurman Hinderk al ais knezen. ‘Wacht mor.’

Zo’n bord mit n dikke rooie raand.

Tot hier. No zel t doan weden.
Krigs pantovvels, of aans sloppen.
Lekker bie vraauw op baank. Tillevisie kieken. Boer zuikt vraauw.
En no mor ais n moal bragel aan handen. Ien toen doe.
En aal dat gevlaig bie stroat laangs zel mor ais doan weden.
Aal week wonsdag n tientje op t aanrecht veur noar biljart club. En véur tien uur
oavends thoes.

Motor zel wel op laange boan kommen wis buurman Hinderk.
Buurvraauw het hom n aigen overaal mit stevels kocht.
No wol ze nog kieken noar n caravan.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

twaalf − 3 =

Terug naar boven ↑
  • Literatuur activiteiten

    Geen nieuwe activiteiten