Muziek olaf vos, 620, twij deuntjes

Gepubliceerd op 11 maart 2015 | door Jan Glas

0

Olaf Vos vanoavend 11 meert gast ien Twij Deuntjes

Olaf Vos het zuk verdaipt in Grunneger laidteksten en is dudelk n fienpruiver. As tekstschriever het e veuraal de slinger aan teksten en op twijde ploats meziek en doar het e ook dudelk n hail aigen mainen over.

As zanger van aigen waark wil e dudelk wezen in wat e zingt en zo luustert e ook noar zien Grunneger kollegoa’s. Hai wil de luusteroar geern bie de les holden en t sprekt vanzulf dat meziek joe doarbie daip roaken kin, mor dat kin n goud verhoal en n mooie tekst ook. Hai perbaaiert veur homzulf t beste van dij twij werelden bie nkaander te brengen. Aiglieks liggen der genogt verhoalen bie de stroat, je huiven der allain mor veur te bukken om ze op te pakken. Wie hebben dizze oavend in soamensproak mit Olaf n keuze doarvan soamensteld. t Grunnegers is veur hom noeit n oorspronkelke keuze west. Stichten Nij, dij zo’n dik tien joar leden Grunnegstoalege muzikanten der op aantoalde om ais wat nijs in de Grunneger meziek te ontwikkeln, is veur Olaf de eerste aanzet west om n overstap noar t Grunnegers te moaken. t Was veur hom aiglieks nait vanzulfsprekend om dat te doun, mor van laiverlee kreeg e aal meer de smoak te pakken en t is veur hom nou meer din vanzulfsprekend worden. t Grunnegers gaait hom doarbie, noar aigen zegggen, hou laanger e der mit aan loop is des te beter gaait t hom òf. Regelmoateg komt der n laidje van n kollegoa veurbie, doar het e din inainen ook wat mit en doar zelve woensdagoavend mit zien kundege toulichtens wat meer van heuren loaten.

Bekiek HIER de speulliest.

(Foto © Rolf Schreuder)

Tags: ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

zeventien − 11 =

Terug naar boven ↑
  • Muziek activiteiten

    Geen nieuwe activiteiten