Column Tonko Ufkes, column, goed lek

Gepubliceerd op 17 mei 2017 | door Webloug

0

‘Noar de zee’ column van Tonko Ufkes

Noar de zee

t Ienpakken is slim lasteg want der maggen niet veul spullen met en dus leg ik de lutje stoapeltjes eerst op e toavel: zummerkleren, zwemspullen, n poar leesboeken en zuks. Aalgedureg kiek ik even uutzied noar t roam en hieltied zie k hum dan ien e vensterbaank leggen; de grote kokkel. De veurege vekaansie ien Portugal heb k die vonden, ien 2009 het dat west, t joar van pappe’s overlieden.
Ien t lest pak ik de grote schelp op en vernem hoe mooi er ien e haand lijt, met e vingers kin k hum krekt omspannen. Hij is der veur moakt liekt het wel, om beet te holden. Ik omklem het ding en rek de vingers om e raand.
n Oardeg zet het dizze schelp op pappe’s graf lijt, tot an mamme’s overlieden toe. Toen wer t graf veraanderd en de kokkel – de kokkel ien mien haand – heb k doarom hier op e vensterbaank lijt.
Eileks wil k hum weer terugleggen en twievel toegelieks want argens heurt er doar niet, teminnent, niet op e vensterbaank ien e slopkoamer.
Ik wiet best woar er heurt. Even moet ik sloeken, mor ik wiet het hiel zeker.
Veurzichteg rol ik de kokkel ien t badloaken, vol doar de zummerkleren omtoe en vlij hum met e leesboeken ien e rolkovver.

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

9 − negen =

Terug naar boven ↑
  • Literatuur activiteiten

    Geen nieuwe activiteiten