Literatuur

Gepubliceerd op 31 oktober 2012 | door Webloug

0

Noagelnije en verbeterde editie van de kroniek van Sicke Benninge

Op 18 oktober 2012 wuir  in Archief in Stad onder grode belangstellen de noagelnije en verbeterde editie van de kroniek van Sicke Benninge prizzentaaierd.
De kroniek van Sicke Benninge is ain van de alderbelangriekste bronnen veur de geschiedenis van Grunnen  tot om en bie 1530. Benninge beschrift zien tied op n vrij sekure menaaier in de toal van zien  tied. Hij dee dat nait zo as waitenschoppers dat deden in t  Letien, mor in de volkstoal dij doudestieds in zwang was. Veur lu dij mit Grunnegers aan loop binnen geft dizze kroniek n goud beeld over hou der dou in Stad en Ommelaand sproken en docht wuir.  t Bezundere hierbie is dat Sicke Benninge alles opschreven het noar aigen ervoarens, herinnerns en woarnemen en doar ook zien aigen bie zetten ongezolten kritische kiek der bie tou dee. Hai geft n haile heldere inkiek in toustand van zien wereld en keek doarbie ook nog voak over tellerrand.
Mit de ogen van vandoag is der din as vergliek in toal van dou noar nou nog hail wat herkenboars en moois uut te daipen. Körtom n must veur elk en ain dij n waarm haart veur toal en geschiedenis van Grunnen het en der ook wat tied aan spandaaiern wil.
Kroniek wuir uutgeven deur het Huygens Instituut voor Nederlandse Geschiedenis, en is oplegd deur F.A.M. van den Hombergh (†) en E.O. van der Werff, met mitwaarken van A.J Rinzema (†).

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten