Muziek no image

Gepubliceerd op 15 november 2013 | door Webloug

0

Nije veurstellen ’t Vuur!’ van Arnold Veeman


’t Vuur from voordekunst on Vimeo.

Mit t nije theoaterpergrammoa ‘t Vuur!’ wil componist en musicus Arnold Veeman de passie dij ien ons apmoal schoelt opzuiken en ien vuur en vlam zetten. Hai keert doarveur weerom noar ain van de staarkste collectieve herinnerns van mins: de kracht en waarmte van vuur ien de vörm van n gepeperde verwevenhaid van tango en minimal music, speuld deur n klaaine akoestische bezetten (viool, bandoneon en zang). Veurstellen nimt toeschouwer mit noar t kampvuur, dat din ook inderdoad t centroale punt van veurstellen wezen zel.

De muzikanten Arnold Veeman, Egon Kracht, Ernö Olah en Martijn Traas brengen verhoalen vol tragiek en oerolle wiesheden, zo as minsen ze deur de eeuwen hin oetwizzeld hemmen rond vuurploatsen. Ook onderdail van veurstellen binnen twij grode decordailen van kunstenares Maria Madelon.

Om de veurstellen letterlek ien vuur en vlam te zetten het Arnold Veeman joen hulp neudeg ien vörm van n financiële donoatsie, ‘crowdfunding’ hait dat tegenswoordeg. As ie besluten t projekt te ondersteunen, wordt joen geld besteed aan baauwen van decor en aan ienkopen van produkten en materioalen dij neudeg binnen om gecontroleerd kampvuur en keerslicht te creëren tiedens de veurstellens. Meer informoatsie over t project en de crowd funding is HIER te vienden.

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten