Literatuur

Gepubliceerd op 1 mei 2012 | door Webloug

0

Nije Toal en Taiken is oet

De nijste Toal en Taiken. Tiedschrift veur Grunneger kultuur, nummer 2, meert/april 2012.
Oet de inhold:  In t hoofdartikel het Harm van der Veen t over t krizesjoar 1929. Van Harm van der Veen en Piet Huizenga is weer interessant Historisch Nijs te kezen. Tonko Ufkes legt t in zien hörntje onder meer oet wat ‘grengels’ betaikent.
Aafke van Hoorn het t in Omkiekeriekjen over de olderwetse blokkendeus. Henri Wierth schreef n column over t geluud van stilte.
In de rubriek Eterij vertellen Jos Rietveld en Henk Scholte over mosterd en mosterdsoep. Wieder toalkundege biedroagen Siemon Reker en Abel Darwinkel. Der is Grunneger nijs over onder meer de Dag van de Grunneger toal, de Streektoalpries en de actie veur de wiedere erkennen van t Nedersaksisch.
Van de volgende schrievers en dichters binnen biedroagen opnomen:
Emo H. Edens, Jan Hoiting, Cobi de Jong, Jan de Jong, Ida Leutscher, Kunny Luchtenberg, Annie Mekel, Albert Moesker, Reinder van der Molen, Henk Puister, Ger Siks, Koba Schlemmer, Erik van der Veen, Jurriën Veenstra, Willy Westerdiek, Fré Westerhoff, Hanne Wilzing. Wieder onder meer Grunneger Puzzel, Nije Oetgoaven, Grunneger Bouk, Verspraaid Verbonden en Elk zien affeer van Ger Siks.
Ie kinnen joe abonneren veur 17,50 euro in t joar. Veur 22,50 euro in t joar bin je begunsteger van Stichting t Grunneger Bouk en krieg je noast zes nummers Toal en Taiken ook nog aal joar n nij Grunneger bouk. As je joe nou aanmelden krieg je ook nog de nummers dij dit joar al verschenen binnen.

Aanmelden kin op t volgende mailadres: toalentaiken@planet.nl

Toal en Taiken is n twijmoandelkse oetgoave van Stichting t Grunneger Bouk.

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten