Literatuur

Gepubliceerd op 1 juli 2014 | door Webloug

0

Nije Krödde is oet

Oet t veurwoord van Krödde nr 130:

Op 28 april dit joar is Jan S. Niehoff oet tied kommen. Niehoff was o.a. schriever, dichter, toalkundege, redakteur en beeldend kunstenoar. Ien 1954 was hai ain van de oprichters van ’t Swieniegeltje, n tiedschrift veur  vernijende Grunneger literatuur. Hai schreef en dichtte ien t Nederlands en ien t Grunnegs. Ien zien dichtbundel ‘Vuurschip’ (1955) binnen twij Grunneger gedichten opnomen. Niehoff het hom voak staark moakt veur t behold van t Grunnegs. Henk Scholte schreef n gedicht veur Niehoff en het dat op begraffenis veurlezen. t Gedicht ‘Nait veur t inde van de dag’ staait ien dizze Krödde.

Jan Glas interviewde Bé Kuipers over zien schrieverij: ‘Ik maag gewoon geern vertellen over wat mie bezegholdt, wat mie rakt of wat mie verboast, en doar ik ook verstand van heb. Summege mensen mouten n moal of wat ien week sporten, aans vuilen ze heur nait lekker. Bie mie is dat net zo, mor den mit schrieven.’

Reinder Willem Hiemstra schrift ien t verhoal ‘Bij de goaten hiel’ over verzoameln: ‘Hij kon der niet om hen, wat verzoameln, t zat ien hum. Hij kon der niet meer zunder. Loater as bongel har er met zien moaten haalsbrekende toeren uuthoald, om n zeldzoame eierverzoameling te kriegen, woar n prudde vogelkennis bij kieken kwam. Kiek, alle vogelnoamen kende hij nog veur t voaderland weg. En doar overhen kwam heur nogal verschillend gedrag.(..) Wat, verzoameln was niet deurs ien e kop, leerzoam, dat was et woord, leerzoam.’

Verder nije verhoalen en gedichten van: Tonko Ufkes, Reinder van der Molen, Willem Tjebbe Oostenbrink, Rieks Holtkamp, Eldert Ameling, Ida Nieboer, Jan de Jong, Henk Puister, Rik Andreae, Fieke Gosselaar en Hanne Wilzing. 

Kiek veur meer info of abonnement: www.krodde.nl

Tags: , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten