Literatuur

Gepubliceerd op 31 maart 2014 | door Webloug

0

Nije Krödde is oet

t Veujoarsnummer van Krödde is oet. Dit nummer begunt mit drij gedichten van n nije noam ien Krödde: Ida Nieboer. Oet heur ‘Arabische lente’: ‘Dien volk reert / en ropt/om gerechteghaid / en vrijhaid / mit geweren en bebloude troanen.’
Hoofdpersoon ien t verhoal van Tonko Ufkes wait wat vraauwlu van n man verwachten: ’t Gijt eileks allent om t soamen kovviedrinken en dat ik dan luuster. Noar veurspelboare verhoalen: de eerste week gijt t over de kiender die amper op bezuuk kommen en doarnoa over t leven tot aan nou. Voak wiet ik wat van mij verwacht wordt.’
n Verhoal van Bé Kuipers handelt over veuroordailen: ‘En ik bedenk bie miezulf dat ik toch ook ien swaart-wit petronen denk, noa n eerste iendruk: links – rechts, progressief – conservatief, geloveg – ongeloveg.’
Fieke Gosselaar vragt heur ien n column òf houveul schounen mit hoge hakken n vraauw aiglieks neudeg het: ‘Ik heb zulf vief poar hoge hakken, twij swaart, twij rood en ain regenboog. Dat aantal vin ik aigenlieks heul aarg mitvallen, vriendinnen hebben zo n kaaste vol.’
Verder wordt der ien n verhoal van Chris Kiel hail omzichteg mit n joekel van n neus omgoan en beschrift Aly Freije ien n gedicht de Himalaya passages.

Verder is der ien Krödde nij waark te lezen van: Reinder Willem Hiemstra, Henk Puister, Jan Glas, Klaas Duursma, Jan de Jong, Eldert Ameling, Hanne Wilzing en Jan Huttinga.

Kiek ook op webstee van Krödde veur meer informoatsie of n abonnement. Krödde is ien verschaaiden boukhandels te koop.

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten