Nij verhoal van Jan Huttinga op Oader
Vrumd
Belfert stapte over n sintelpad. Der warrelde swaart en graauw stof op. t Kwam op zien lichte schounen. Dat muik hom grammieteg. Wel bedocht nou n sintelpad midden in stad. Dit was echt zien stad nait meer. Stroaten waren hier te braid en te leeg en te open. Op grode grasvelden luipen vrumde koien mit hoorns as kapstokken. Van ale patriciërshoezen haren ze veurgevels verinneweerd mit grode gloazen deuren. Der mos zoveul meugelk volk noar binnen om te kopen. En gounent dij twievelden konden deur t glas zain wat ze den toch nog kopen gingen. Hai wos dat der n bult onneuzels te koop was hier. t Alerslimste wat e zain haar was wel n bosje witgevaarfde takjes mit n ìndje pakjewier der omtou. Negen euro viefennegenteg. En der waren meer van dat soort dingen te koop.
Gerelateerde berichten
Sunterkloasverhoal van Jan Huttinga op webstee Kreuze →
Nij verhoal van Henk Dekker op Oader →
