Algemeen

Gepubliceerd op 9 januari 2013 | door Webloug

0

Nij-joarsverziede Grunneger Sproak vrijdag 11 jannewoarie

Vrijdag 11 jannewoarie om 20:30 uur holdt de Grunneger Sproak heur Nij-joarsverziede.

Sietske Boonstra en Herman Hofstra van de Grunneger Sproak brengen t wereldberoemde stuk ‘Diner veur ain’ (Dinner for one) van Laurie Wylie in n Grunneger vertoalen van Aaldrik Hovius. Het verhoal van juvver Sofie dij aal joar heur verjaordag viert mit heur vaste gasten dij schaand genog aalmoal al dood binnen. Heur hoesknecht mout doarom de rollen van heur gasten speulen.
Jan Henk de Groot verzörgt mit Paulien van de Wal n muzikoal optreden. Noa Engelstoalege successen schrift Jan Henk nou ook in d´aigen toal. Bekind binnen o.a. zien nummers ´t Leste Laid´ en ´Kielsterachterweg´. Dit seizoen toert De Groot deur de noordelke pervinzies mit zien laidjesprogrammoa ´Terug noar de stamtoavel´ en in oktober is zien nije album ´RIFF´ presentaaierd.
Wieder droagt Jan Glas veur oet aigen waark. Jan Glas studaaierde kunst, mor is veuraaal bekind as dichter/zanger. Hai schrift veurnoamelk in t Grunnegs en kreeg verschaaidend literaire priezen, zoas de Dagblad van het Noorden Streektaal-prijs en de Duutse Freudenthal pries.

De Grunneger Sproak wil mit de nij-joarsverziede n old Grunneger gebruuk in stand holden. In veul ploatsen in de pervinzien was t vrouger gewoonte, dat begun jannewoarie bieainkomsten holden wurden woar lu mekoar t nijjoar ofwinnen konden. Noa de kovvie kwam de branwien mit rezienen op toavel en wer der hail wat ofproat.

Reserveren: reserveren@deraatheater.nl

Aanvang 20:30 uur 
Entree € 10,–. Donateurs € 8,–(incl. kovvie en n zeupke).
Der Aa-Theater
Akerkstraat 11, Stad    

Tags: , , , , ,



Reacties zijn gesloten

Terug naar boven ↑
  • Activiteiten