Algemeen

Gepubliceerd op 27 december 2012 | door Webloug

0

Nij-joarsdainst ien kerkje Zuurdiek


Ien t kerkje op Zuurdiek luud wie t nije joar ien mit n gezellege Grunneger dainst. Kerstsfeer hangt nog ien kerk, mor op Nij-joarsdag krieg wie nij-joarsroljes, kniepertjes en waarme appeldraank. Hans Fidom zit achter t örgel en speult 'liekhoeskemeziek', Klaas Pieterman zingt t Nij- joarslaid.Vrouger kwamen nij-joarszangers om Nij-joar bie deuren laangs.

Grunnegers schrievers as E.J. Huizenga-Onnekes en K. ter Laan hebben heur nog zingen heurd. Hen Brinktje en Piet Bain raaisden stad en laan òf,  Leo Mosselman zong ien omgeven van Loppersum, Vester Klok ien Slochter en Tidde Telu ien Ten Boer en omstreken. t Laid is honderden joaren old en wer ien 1923 optaikend deur H. Pijper-Hofstee op Zieldiek. Veur t eerst ien joaren zel Klaas Pieterman t Nijjoarslaid weer zingen mit Hans Fidom op t örgel. t Begunt om 15:30 uur op Nijjoarsdag 2013. Intree is vergees, mor der is wel n collecte bie deur. (foto: www. armhoesjoapke.nl)

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: ,



Reacties zijn gesloten

Terug naar boven ↑