Nij Hogelandster waarkwoordenboukje

Ien t noajoar van 2013 kwammen Hindry Schoonhoven en Christopher Bergmann mekoar tegen bie de cursus Grunnegs veur begunners van t Hoes van de Grunneger Cultuur. Schoonhoven is docent van de cursus en Bergmann is promoverend toalwaitenschopper, verbonden aan de Rijksuniversiteit ien Stad. Baaid misten bie de cursus n hulpmiddel bie t (aan)leren van Grunneger waarkwoorden. Ze besloten n boukje Hogelandster waarkwoorden soamen te stellen veur cursisten Grunnegs. Dizze moand is t boukje verschenen. Het Hoes stelt t boukje ook digitoal beschikboar, en is te downloaden via DIZZE LINK.

Tags: Christopher Bergmann, Hindry Schoonhoven, Hogelandster waarkwoorden