Literatuur

Gepubliceerd op 24 augustus 2014 | door Webloug

0

Nij gedenkbouk Genootschop Omlandia


Genootschop Omlandia bestaait 175 joar. Dit wordt vierd mit n gedenkbouk, t bouk is zodderdag 16 augustus prizzenteerd ien sociëteit Mutua Fides ien Stad. Omlandia is t oldste, beste en riekste bittergenootschop van Vindicat, zo staait op heur bladziede te lezen. Dit is t daarde gedenkbouk: t eerste wer oetgeven bie t 100-joareg-bestoan ien 1937, soamensteld deur J.A. Fijn van Draat, bie t 150-jareg bestoan ien 1987 is t twijde gedenkbouk oetgeven.

Ien dit daarde gedenkbouk staait de wereld aan historische schrieverij, o.a. nog nooit eerder optaikend waark van Derk Siebolt Hovinga. Ien t bouk stoan ook veul taikens van Jan Beins oet joaren 30, n verhoal over t leven van Grunneger schriever J.A. Fijn van Draat en verhoalen over t ontstoan van Stad en Ommelaand, over Ommelander Woapen en Vlag en over Dikke Boom van Slochter. Jonker Sissinga en Kloas Störtebeker leverden biedroagen ien de vörm van olderwetse en nijmoodse waitenschoppelke daipdenkerij.

t Bouk geft n ienkiek ien t leven van generoatsies Ommelander studenten dij aan de Akkedemie studeerden. Lees verhoalen van old-siktoarezzen, voak ien smui en humoristisch Grunnegs.

t Bouk het 255 bladzieden en is veur € 37,- te koop bie o.a. boukhandel Godert Walter ien Stad of te bestellen via gedenkbouk@omlandia.nl, mit verzendkosten kost t bouk din € 42,-.

(Foto: Niek Berendsen)

Tags: , , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten