Algemeen

Gepubliceerd op 22 augustus 2014 | door Webloug

1

n Weeromvonden ‘Zummer in de Hel’-plopflezze

Op Dag van t Grunneger Bouk in 1993 wuir Grunnen opschrikt deur n uutgoave van n fel-realistisch stripverhoal uut de Grunneger nijbaauw aargenswoar in de Veenkolonies. t Har ook al de bedènkelke en veur menneg Grunneger aansteutgevende titel ‘Zummer in de hel – ruk aine’ op omslag stoan. t Was bie nkaander schreven deur de dou nog slim onbekinde schriever Meini  Bos en taikentjederij was van de dou alombekìnde striptaikenoar Gezinus Drenth. t Was n uutgoave van ‘De Hel’ in Muntendam.

De baaide pazzipanten dij dit aal omhaands haren waren dou al mit heur tied veuruut. t Woord mersjaandeizing was dou in Oost-Grunnen nog wezensvrumd. Zo haren zai tiedens de lancaaiern, noast t boukje ook n poster mit pladdegrond, maauwhemden en zulfs heur aigen biermaark in degelke holten kissies bie de prizzentoatsie in d’aanbaiden. Der was op dij dag hail wat volk op de bain en t bier luip meroakels goud en de boukjes waren in mum van tied uutverkocht.

Zoas dat gaait, ons tied flottert weg in de lekbak en komt nait weerom. Zo wuir t Huis van de Groninger Cultuur op n dag, dik twinteg joar loater, verrast mit n plopflezze, dij doudetieds de feestelke prizzentoatsie ondersteund het.

Henk Scholte

Tags: , , , , ,



One Response to n Weeromvonden ‘Zummer in de Hel’-plopflezze

Terug naar boven ↑
  • Literatuur activiteiten

    Geen nieuwe activiteiten