Literatuur

Gepubliceerd op 11 maart 2018 | door Jan Glas

0

n ‘Ommelaandse reis ien Westerkertierder poëzie’ deur Willem Tjebbe Oostenbrink en Are Meijer op Dag van de Grunneger toal

Het is de landelke Boukenweek! Zodderdag 17 meert is der tiedens de Dag van de Grunneger toal volop aandacht veur Grunnegstoalege literatuur. Bieveurbeeld poëzie oet t Westerkwartier.

Tiedens Dag van de Grunneger toal brengen Are Meijer en Willem Tjebbe Oostenbrink n ‘Ommelaandse reis ien Westerkertierder poëzie’. Ze zellen de bezuikers mitnemen en heur verhoal vertellen aan de hand van gedichten. Verschaaiden thema’s kommen aan de orde: wotter vs laand, vrouger vs nou, sloten vs open, grinzen, trends en gewoontes. De gedichten sluten lösjes op mekoar aan mor binnen de rode droad en stoan ook dudelk mit nkander ien verbienden, de gedichten worden verbonden deur teksten, verhoaltjes of anekdotes, ondersteund deur beelden. Interaktie mit t publiek vienden baaide dichters belangriek.

Meijer en Oostenbrink binnen baaid geboren ien Griepskerk. Meijer woont nou ien Amsterdam en Oostenbrink is noa wat omzwaarven ien Zuudhörn neerstreken.

Are Meijer (1958) gaf de bundels Lösloatn en Keern uut. Hij schrift proza, poëzie en liedteksten, en won ien 2016 de Freudenthalpries veur nije Nedersaksische literatuur.

Willem Tjebbe Oostenbrink (1963) ontvong de Duutse Borslapries (2014) en de Johann Friedrich Dirkspries (2017). Noa zien poëziedebuut Opdreugde troanen is de tweede dichtbundel Zolt en Stof (Vliedorp Houwerzijl 2017) verschenen.

Lees t interview mit baaide dichters ien de MOI.

Webstee:
Willem Tjebbe Oostenbrink
Are Meijer

Tags: , , , , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

17 − 12 =

Terug naar boven ↑
  • Literatuur activiteiten

    Geen nieuwe activiteiten