Muziek

Gepubliceerd op 20 mei 2014 | door Webloug

0

Muziekliest Twij Deuntjes (week 21)

Geert Teis zee ais: ‘Maai, in de bouken n herelke tied! Winter is over en kolle bi-je kwiet.’ In maai legt men n aai en zo gaait t ook mit n groot nust vol nije laidjes en Cd’s.

Dizze weke weer n bult nij waark in Twij deuntjes aldereerst stoan we as vanzulf uutvoereg stille bie ‘De tocht van n Noakende Zunderling’ de nije spaigelploat van Erwin de Vries. Dizz’ keer het Erwin bloots en groots uutpakt mit veul schier striek en zetwaark.

Ilse de Lange blift wieder inspiraaiern, gainain kin aan heur störm veurbie. De Fraize singer-songwriter Sido Martens en zien vraauw Trienke belieden in ‘Grutte Trienen’ mit n gobbe wotter, dij bie bakken dele vaalt tiedens n autorit op de A7, heur aigen after the storm. De Zoadels uut Grunnen goan doar mit heur parodistische ‘Treinie op de fietse’ din rad achteraan. Zuver Scheerwol komt der mit ‘Piene in mien haart’ in de noanacht van de störm ook nog hail goud achter weg. Hans van Lier mit zien Sidekicks goan steveg in de missings mit ‘No Rolling Stone’.

Sums mout je n goie flezze wien om te riepen n zetje in kelder liggen loaten. En din komt de dag noa t laange wachten om t ais op te drinken. As t goud gaait din worden je verrast deur de ronde ofdronk en de volle smoak doarvan en t smoakt as t op is aaltied noar meer. Zo har k dat van de weke mit n CD dij plöts bie mie op mat vuil. De laidjeskirrel George M. Welling, bie insiders bekìnd van de Grunneger Songclub, het mit zien ‘Wachten tot het overgaat’, n echte maisterstuk leverd. Op zien Grunnegs zegd ’t kon minder!’ Zien deurwrochte eerliekse laidteksten binnen in t beleven as je der noar luustern hail sekuur en ook aibels mooi van toal. Zien fienzinnege laidjes goan zotrekend mit recht daip in t gemoud. Zien alom wènsteg verlangen noar wat west het en wat kommen gaait, het e in sprekende miniatuurtjes/schildertjes verpakt. Noast zien sarcasme bespeur je ook aaid weer dij bedruifde vrolekhaid. t Onontkoomboare wordt deur George in ofwogen pazende woorden steld en mit n n hail aigen inkiek bie zetten mit n romantische ironie beloaden. De ofwizzelnde muzikoale beglaaiden, deur n keur aan bekìnde Grunneger muzikanten, doarbie paast bie de laidjes as Pait in Grait. Kört zegd: n uutnemende spaigelploat dij luustert as t volle leven. Elke waarkdag van 18:00-19:00 uur op Radio Noord. Muziekliest is HIER te bekieken.

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten