Muziek

Gepubliceerd op 13 mei 2014 | door Webloug

0

Muziekliest Twij Deuntjes (week 20)

De leste Eurovisie-Songfestival is as n grode dunderslag mit roezeboezeg weer achter diek aan ons veurbie goan, wat n ainmoud rondom Ilse en heur Pazzipant Waylon. Wie binnen vanzulf bliede mit de twijde pries dij ze der veur kregen hebben.

Noa dizze störm is t inainen ook n inspiroatsiebron veur Zuver Scheerwol, dij as antwoord mit ‘Piene in mien haart’ der n hail aigen varioatsie op schreven hebben. Wieder binnen we ook slim verrast mit n uutvoeren van ‘Calm after the storm’ deur Linde Nijland en Bert Ridderbos. De nachtegoal en de snoarenvirtuoos uut Nijstoatenziel hebben hierbie grode höchtes in heur ombaauwde badkoamerstudio opzöcht. t Klinkt zo dag en deur in de lijte kristalhelder deur as n oplaaiende störm.

Dizze weke stoan we ook wat uutgebraaid stille bie de leste cd ‘Og Sa Kom resten av livet’ van de Noorse zangeres Kari Bremnes, dij op ain of aander menaaier mit heur loepzuvere zang en timing t onderste uut de Noors kanne wait te hoalen. Zai sprekt ons tou via heur wiezen en deurwrochte balloaden, dizz’ keer over weerommekieken en de betrekkelkhaid van elk zien bestoan, dij bie heur aaltied n staark autobiografisch tintje hebben. Elke waarkdag van 18:00-19:00 uur op Radio Noord. Muziekliest is HIER te bekieken.

(Foto: Zuver Scheerwol)

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten