Muziek

Gepubliceerd op 25 februari 2014 | door Webloug

0

Muziekliest Twij Deuntjes veur Ain Cent (week 9)

Wie hebben ja glad mit nkaander al vroug veurjoar in de bainen. t Is zotrekend nij leven dat zoest en broest om ons tou en t waarkt aan ale zieden om mekoar te verblieden. t Haart van menneg zanger of zangeres let zien snoaren doarbie trillen en het t zien aigen beloop.

Wie kieken dizz’ weke eefkes muzikoal weeromme mit Hans van der Lijke dij dit joar de prestigieuze K. Ter Laan-pries krigt. d’Oostfraize zanger Jan Cornelius staait mit zien schaarbe observoatsie stille bie n leutje winkel ‘Jonnie’s Lüttje Laden’, in t hoavenploatske Ditzum aan de Ems doar elkenain veur alles en nog wat trechde kin. De Zuudafrikoanse zanger Chris Chameleon komt ook weer laifdevol veurbie mit n vertolken van t gedicht Korreltjie Sand van Ingrid Jonker. t Veurjoar klinkt ook deur in Evert Taube’s ‘Fragancia’ deur de Zweedse zangeres Cajsastina Akerström. Bloumkederij vol van mooïeghaid stoan op knappen in ‘De Vaar Joargetieden’ van de dichteres Nies Sap Akkerman in n magistroale uutvoeren van Rika Dijkstra mit groot orkest. As Niels Hausgaard uut Denemarken ‘den sidste ting’ (The last thing on my mind) din t veurjoar ropt en as oavend ook weer ais tou rusten nuigt gaait t din inainen as zaand in n zaandloper aan ons veurbie.
Elke waardag van 18:00-19:00 uur. Muziekliest is HIER te bekijken.

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten