Muziek

Gepubliceerd op 18 februari 2014 | door Webloug

0

Muziekliest Twij Deuntjes veur Ain Cent (week 8)

Ter ieders vernuvern. Ook dizze raaize hebben we dizze weke tussen t vertraauwde ook hail veul nijs in de aanbaaiden. Zo hebben we noagelnij waark van de Faringse zangeres Gudrun Hansdöttir mit haile mooie vertolkens van gedichten van Heinrich Heine in n nijmoods jaske.

Wieders ook nij waark van Harry Niehof dij stille staait bie Swaarde Wolken dij bie zetten deur aal dij eerdbevens zuk over Stad en Ommeland soamenpakken. Ook hevve n nijloodje uut Ierlaand mit aibels aanstekelke en sekure soamenzaang van drij jentege zangeressen ‘The Henry Girls’, mit zoas ze zulf zeggen: ‘louder than words’.

Verder hebben we ook as aanroader n nijchie uut Limbörg mit de zangeres Dyanne Sleijpen heur kurege Ginne Gentle Gentleman. Sproakwotter uut Finnerwol en Sodom let ook rap mit ‘ladderzat’ bie ons van zuk heuren. Ook Helmut Debus schoeft in t veurbiegoan hail eefkes bie ons aan mit n laifdevol laid over t Grönen bi Nacht”. Tou mor vot mor! Arno van der Heyden & de Kloosterwiekers hebben de sjars der ook weer ais goud in mit n carnavalskroaker dij körtsleden in Troapel bie t pad brocht het. De Limbörger Arno Adams let ook weer ais wat van zuk heuren. Veur de laifhebbers van Adam’s waark of n kennismoaken, kinnen we joe ook zien documentaire, dij op dunderdagoavend op Nederlaand twije vanof elf uur uutzonden wordt, stief aanroaden. Ale oavends as besloet hevve dizze weke meziek van de Shetland-fiddler Aly Bain bie nkaander zöcht. Elke waarkdag van 18:00-19:00 uur. Liest is HIER te bekieken.

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten