Muziek

Gepubliceerd op 30 oktober 2012 | door Webloug

0

Muziekliest Twij Deuntjes Veur Ain Cent (week 45)

Primeur zo mor n willekeur. Dizze week in de boane mit Hans Mortelmans in zien 2 CV deur t Vloamse laand mit zwabbernde romantiek op achterbaank op weg noar kefee t parradies. Van zuud noar noord richten Peter de Haan in zien lelek eend dij stief staait van meleur en meneuvels. Nostalgie pur sang mit Jan Henk de Groot dij ook vanuut n lillek eendje weeromme kiekt in Altied zo. Mooie meziek uut Noapels mit stroatroupen uut Spacanapoli, dij min of meer levensoader is van overlevers maank scooters en aander riedend raive mit gevoar op aigen leven van ale kaanten aan joe veurbiegaait. Lyrisch waark mor toch wel Grunnegs nuchter van aigen haand van Marlene Bakker. Arnold Veeman lacht in de toukomst en kiekt in de glimmers van aandermans mooie ogen, dij beteuvern elkenain, want anerkaanslootabbels smoaken aaltied beter. Wieders aandacht veur t nije ‘Geluk’ van Martin Korthuis. Ook t nijloodje ‘OER’ van Serge Epskamp uut de Achterhouk komt mit zien alderlaifste deerntje verbie. Virtuoos harmonikoawaark van de Genovese Filippo Gambetta. Kristal helder minnespul in loepzuvere soamenzang deur wichter van Three-ality uut Fraislaand. Grunneger Fado deur Hendriktje dij gaait in t laid noar dizze Naacht en Dragseth uut Husum let de widde vogel geliek as Icarus tegen moan opvlaigen.

Liest is HIER te vienden.
Oetzenden is elke waarkdag 18:00 – 19:00 uur op Radio Noord.

(Foto Martin Korthuis van webstee Poparchief Groningen)

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten