Muziek

Gepubliceerd op 18 september 2012 | door Webloug

0

Muziekliest Twij Deuntjes Veur Ain Cent (week 39)

Sund jannewoarie 2000 prizzentaaiert Henk/Hinderk Scholte elke deurdeweekse oavend op Radio Noord zien streektoalmeziekpergram “Twij deuntjes veur ain Cent”. In dij 11 joar dij nou achter hom liggen het e meer as 3000 uutzendens tussen zes en zeuven uur ’s oavends uut stro zet.

t Gaait din om luustermeziek uut Stad en Ommelaand, van over de grup en asmis wied doarboeten. Grunneger streektoalmeziek en d’ aander minderhaidstoalen in Europoa speulen in “Twij deuntjes veur ain Cent” van t begun of aan n belangrieke rol. Wat t soort meziek aanbelangt is e nait ainkenneg, ook as t om ol of nij waark gaait. Alerhaande stijlen kommen in t pergram aan bod en of en tou nemt e luusteroar bie d’ haand om op pad te goan in n wereld van muzikanten dij werelberoemd binnen in heur aigen kontraainen.

Hinderk vuilt zuk bie zetten n Columbus op strekkende meter en wil geern zien ontdekkens aan aander lu heuren loaten. Vanzulf is Grunnen t stee van vertrek, mor tiedens zo’n Ommelaandse raais komt hom van ales in muit en dat wil e din geern dailen mit zien luusteroars. Hai dut dit mit n luchteg proatje, doar e min of meer wat daiper in de inhold graft. t Is liekewel op n menaaier, veur dij doar n open oor veur het, der aaltied wel wat van opsteken kin.

Hinderk zugt t in aalsgeval as n raaize doar e in 2000 aan begonnen is en doar e zuk aalgedureg nog verwondern kin over wat west is en wat kommen gaait. Hinderk is doar nait ainkenneg in, want n goud laidje logt nait en doar kin e mit zien luusteroars as t aan hom ligt nog joaren mit veuruut.

Muziekliest van dizze week is HIER te vienden.

Tags: ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten