Muziek

Gepubliceerd op 27 november 2012 | door Webloug

0

Muzieklies Twij Deuntjes veur ain Cent (week 49)


Gelok en gevoar, zun en moan. Man en vraauw, dag en naacht, haard en zacht. Ales in balaans, van groot noar lutje. Wie binnen zotrekend ook shaarstdoags aaid onderwegens noar loater. De nije CD ‘Geal’ van Rowwen Hèze uut America pakt liekewel steveg mor ook hail lyrisch uut. Jack Poels zöcht t dis keer stoef bie zien haimstee in de Peel en dat moakt t o zo helder en kloar. Meziek as n waarme deken dij tels onder d’hoed gaait. Wieders hebben we ook mooie klanken op accordeon in petto, deur t Vloamse gezelschop Jaune Toujours mit n ode aan Serge Gainsbourg. Snikhaide soamensproak tussen Herbert Grezel en zangeres Ivonne Schoenmaker in ‘Laiverd kom toch bie mie thoes’. Klaas Spekken het zuk woagd aan Pappa van Stef Bos en din wordt t in Pabbe wel hail dicht bie homzulf. ’t Ongelok van de laidjeszanger is dat e schrieven en zingen mout, zien verdrait en vreugd worden zo alemansgoud. Doar wait Hans van der Lijke in zien ‘Haandstok en Houd’ wel road mit. De mooie woordenwelput van Jan Henk de Groot geft n hail aigen geluud aan ‘wies mit die’ en dat komt liek uut t haart. Martin Korthuis bezugt laifde in ‘Elke keer alles’ en dat aalmoal van dichtbie en overwied tot achter roemte en tied en troanen wellen in zien ogen van verdrait en dat deur t gemis as zai der nait is. Melancholie ten top in ‘Blief’ van Erwin de Vries, dij t slim stoer het mit t jong geluk dat zomor in t veurbiegoan vergaait….
Muziekliest staait HIER.

(Foto Erwin de Vries: Bert Buiring)

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten