Algemeen

Gepubliceerd op 28 november 2012 | door Webloug

0

Mooiste Dialectwoord 2012


Eelsk, kloamen, venemsteg, glipper, aandoeken en tuut. Dit binnen nog mor n poar van ale mooie dialectwoorden dij de ofgelopen moanden veurbiekwammen ien de oetzendens van Plein 5, n radiopergrammoa op Radio 5 mit aandacht veur nijs, streekverhoalen en streekgerechten oet ale wienstreken van Nederland.

Plein 5 is start mit de competitie ‘Het mooiste Dialectwoord 2012’. De ofgelopen weken is der ien de oetzendens n selectie moakt oet n groot aantal dialectwoorden. n Jury zel n top 10 soamenstellen dij 3 december bekend moakt wordt. Jury bestaait oet: veurzitter Marc van Oostendorp van t Meertens Instituut, actrice Carry Tefsen, zangeres Wia Buze, de Limburgse zangeres Beppie Kraft en old scheuveloar Erik Hulzebosch.

Van 3 december tot 13 december kin der stemd worden op n woord oet dizze top 10. Dat kin op grond van verschaaiden punten: regio, klank, spellen etc. Webstee woar stemd worden kin is www.plein5.ncrv.nl, doar binnen de woorden ook te beluustern. Op moandag 17 december tussen 14:00 en 16:00 uur zel ien aanwezeghaid van de haile jury live ien Plein 5 ‘Het Mooiste Dialectwoord 2012’ bekend moakt worden.

Tags: , ,



Reacties zijn gesloten

Terug naar boven ↑
  • Activiteiten