Literatuur

Gepubliceerd op 6 december 2012 | door Webloug

0

Midwintertied ien Streekhistorisch Centrum Stadskenoal

Zundag 9 december komt old kenoalster Fré Schreiber noar t Streekhistorisch Centrum ien Stadskenoal om n lezen te geven over midwintergebruken. Onder de titel ‘Midwintertied, van Suntermeeerten tot Lichtmis’ zel hai vertellen over de feestdoagen en mit noame Grunneger gebruken ien dizze periode. Over dit onderwaarp schreef Schreiber, soamen mit de Grunnegstoalege schriefster en dichteres Annie van Dijken-Hooghuis, n bouk dat ind dit joar verschenen is.

Veur de komst van t christendom vierden de Romeinen op 25 december t lichtfeest ter ere van de zunnegod. Veurberaaidens veur dit feest begonnen op 11 november en dat duurde alles bie nkander tot 2 feberwoarie. Ien n ver verleden was midwinter n periode woarien de bewoners van onze noordelke streken heur verloaten vuilden deur de zunnegod. De doagen waren mor kort en kwoade geesten struunden over t laand. Mit veul lewaai werden dizze kwoade geesten verjagd en der werden vuren aanstoken om licht te geven. Om de duustere tied deur te kommen werden der op verschaaiden doagen feesten vierd. Toun  lichtfeest christelk wer, veranderde t feest van de Romeinse god Mars ien Suntermeerten en wer op 2 feberwoarie Maria Lichtmis vierd as ofsluten van de midwintertied.

Lezen begunt 9 december om 14:30 uur. Entree is 3,50 euro en 2,00 euro veur donateurs. Veur meer informoatsie en reserveren: Streekhistorisch Centrum, tel 0599-612649

Streekhistorisch Centrum
Ceresstraat 2
9502 EA Stadskanaal
http://www.streekhistorischcentrum.nl/

Tags: , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten