Muziek

Gepubliceerd op 7 oktober 2014 | door Webloug

0

Meziekliest Twij Deuntjes (week 41)

De snorre is trimd, heupen binnen eulied en zien oren stoanen aan en din dij aine daans in dizze kraaizummerse oktobermoand. Hai gaait der weer vol tegenaan. Ringo rokt noar Old Spice en Curacao-Blue. Zien zotterdagoavend en -nacht hait Rosie, mit kousebaand en Fraans dessous.

t Gaait der aalmoal zo as dat gaait mit deur. De Plattduutse laidjeskirrel Helmut Debus bezingt in zien ofzied van tied n waarme ‘Septembermaand’ mit n zwiegen dij ook haard wezen kin en n schare trekt over t laand en van aal wat bleef was allain mor n Adieu mon amie. De drij Troebadoers Edwin Jongedijk, Jan Henk de Groot, en veteroan Alex Vissering geven in heur noagelnije laid ‘Riekdom’ elk op zien menaar n aigen invullen en reflectie over heur begun en de passie veur meziek. Erwin de Vries pakt in ‘Hai gript die’ menneg luusteroar bie de ströt. Singer songwriter Allan Taylor let de meziek mit aal zien traditsies ‘Let the music flow’ hail trankiel aan ons veurbiegoan. Laidjesman Bart Schwertman staait in ‘Hol mie mor vast’ ook stille bie t lutje jonkje dij zien wereld nog stappie veur stappie ontdekken mout. Agnes Woltjes omfloerst heur wereld mit ‘De zunne komt loater’.

Wie goan ook weerom noar de oorsprong van de klassieker ‘Donna Donna’ dij wereldberoemd moakt is deur onder aander Joan Baez. Zupfgeigenhansel geft doarvan n indringende Jiddische vertolken van ‘Dos Kelbl’ dij mit aander vij bie nkaander dreven wordt om in wagon op transport noar heur leste station te goan. Gert Sennema uut t Westerketaaier gaait daipte in mit ‘Doe zels aaltied’, dij aandoekt as n waarme deken in n kolde tied. Ivonne Schoenmaker pakt haile staark uut mit ‘de klok tikt deur’. Bie zoveul moois dizz’ week ook nog aandacht veur de zweedse zangeres Monica Zetterlund en doarnoast komt ook Cara Dillon nog veurbie.

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten