Algemeen

Gepubliceerd op 31 mei 2013 | door Webloug

0

Meld joe aan veur Grunneger Theoaterfestival ien Der Aa-Theater

De Grunneger Sproak wil n Grunneger Theoaterfestival holden in t aigen Der Aa-Theater in Stad op 15, 16 en 17 november 2013.
De programmeren zel bestoan oet ainakters, monologen en aander körde veurstellens dij maximoal 30 menuten duren maggen.
Ain deskundige jury zel de veurstellens beoordailen, commentoar levern en aan t ind van t festival n winnoar bekind moaken. De winnoar krigt noast aaiwege roem n geldpries van € 250.
Wieder zellen der ludieke priezen beschikboar wezen veur de deur de jury aan te wiezen beste acteur en actrice en de beste regie. Het winnen van n pries is oardeg, mor t mitdoun is vanzulf minstens zo mooi.


Groepen of ainspaanjers dij mit doun willen, worden van haarten nuigd zok aan te melden. 
Let wel, t gaait dus allain om Grunnegstoalege veurstellens. Eventueel verschuldegde auteursrechten worden deur de organisoatie betoald. Aal aander kosten veur t moaken van n veurstellen en de dailnoame aan t festival kommen veur reken van de dailnemers.
Bie aanmelden groag de volgende gegevens opgeven.
–    noam groep, noam contactpersoon, adres, postcode, ploats, telefoonnummer en e-mailadres
–    titel, schriever en tiedsduur van t  stuk
–    körde inhold/informoatie over de veurstellen
Aanmelden betaikent nait automoatisch mitdoun. De sloetensdoatum veur aanmelden is 1 september 2013. Aanmelden kin mit e-mail noar: ankiebours@degrunnegersproak.comof mit gewone post noar: Stichting De Grunneger Sproak, Akerkstraat 11b, 9712 BD Groningen, t.a.v. Ankie Bours.
www.degrunnegersproak.com

Tags:



Reacties zijn gesloten

Terug naar boven ↑
  • Activiteiten