Muziek

Gepubliceerd op 16 juni 2014 | door Webloug

0

Martin Korthuis, Sijtse Scheeringa en Willem Tjebbe Oostenbrink 22 juni ien Nijhoof


Zundag 22 juni is der n optreden van e muzikanten Sijtse Scheeringa en Martin Korthuis en dichter Willem Tjebbe Oostenbrink ien e Eisseshof te Nijhoof.
De artiesten hopen op mooi weer want de idyllische tuun achter Eisseshof is n prachtige plek om van poëzie en muziek te genieten. Onder t genot van n drankje en n hapke ken t publiek luustern noar de Grunneger muziek en poëzie.

Sijtse Scheeringa wiet as rocker en liedjeszanger as gien aander t publiek met te nemmen met zien songs. Scheeringa is bekend van zien liedjes as ‘Mien olle puch’ en ‘Mien dörpke’. Hij zel dizze mirreg solo optreden mor n poar liedjes soamen doen met Fries Wolma van zien band Zuver ScheerWol.

Zanger-schriever Martin Korthuis zingt over verlies, vreugde, vaderschap, afscheid, liefde en eenzaamheid. Kortom over alles wat ons bestaan menselijk maakt. Zien leste CD ‘Geluk’ wer uutstekend ontvongen.

Willem Tjebbe Oostenbrink dicht en droagt veur ien t Westerkertiers. Ien 2013 kwam zien debuut ‘Opdreugde troanen’ uut bij uutgeverij Philip Elchers ien Stad. Zien poëzie oademt waarmte, liefde veur de toal en cultuur, op t eerste oog verbonden met zien geboortegrond, t Westerkwartier, mor bij noadere beschaauweng breder, universeler.

De mirreg begint om 15.00 uur. Bij regenachteg weer zel t optreden ien de sfeervolle bovenzoal van de Eisseshof holden worden. Entree: € 7,50 (met wat lekkers derbij).
Koarten op e dag zulf verkriegboar.

(Foto: Teodozja Oostenbrink-Wieloch)

Tags: , , , , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten