Muziek

Gepubliceerd op 15 maart 2013 | door Webloug

0

Martin Korthuis op Dag van de Grunneger Toal

Om 14:00 uur treedt Martin Korthuis op tiedens de Dag van de Grunneger Toal.

Zanger en tekstdichter Martin Korthuis (1952) is geboren en getogen in Bedum, mor is noa n aantal tussenstops in Finsterwolde, Winschoten en Zwolle  in 1992 deelstreken op Schiermonnikoog. De folkzanger schrift altied al laidjes over onderwaarpen dij dicht bie de mens stoan: over verlais, vreugde, dood, voaderschap, òfschaaid, laifde en ainzoamhaid. In t begun nog in t Engels, mor in 1998  is der t album Vrij zunder schuld mit Grunnegs- én Engelstoalege songs.

Ligt de focus in t begun op t noorden en oosten van Nederland, noa t album Aailand dat landelk goud ontvangen wordt volgen optredens deur hail Nederland en n aantal in België. Solo, mor veulal soamen mit Elco Stalknecht op accordeon en Albert Bartelds op gitaar. Bie t totstandkommen van t album  Aailaand (2006) wordt de band oetbraaid mit Rick Mensink op percussie/slagwerk en Jeroen van Halem op contrabas. Ook de ploat Muze dij  in 2008 verschient het succes en der volgt n nije tour langs theaters en muziekpodia.  De poëtische teksten van Muze binnen, net as bie de veurege albums, persoonlek mor tougelieks ook universeel. De ploat krigt n nominoatsie veur de noordelke Streektaalprijs 2008.

Mit Geluk brengt Martin Korthuis in 2012 zien zesde album oet. De biedroagen van onder meer  violiste Esther Goedhart, Elco Stalknecht op accordeon en piano en gitarist Albert Bartelds brengen n nije impuls veur t geluud en de laidjes. t Album bevat onder meer Grunneger vertoalens van twij Bob Dylan nummers en n Grunnegstoalege versie van Toon Hermans’ Café Biljart.

Lees HIER t haile pergram.

Tags: ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten