Marten en Annie Grupstra mit ‘Kunst & Vliegwerk’ in Toezeboudel. week 23

Marten en Annie Grupstra bennen alweer meer as n joar de nije bewoners van t pand Winschoterweg 3 in Blijham (foto). t Speulde bie heur al vanoaf t begun deur de kop om wat veur de omgeven van t Oldambt en Westerwolde te kunnen betaiken. In t pand bennen verschaaiden roemtes aanwezeg dij geschikt moakt bennen veur artistieke bekwoamheden zoas n mini theoatertje en n galerie. Zai hebben hiermet de meugelkhaid schoapen mit t oprichten van n mini theoatertje mit maximoal 80 zitploatsen en n galerie onder de noam “KUNST & VLIEGWERK”. Dit gebeuren is deur heur onderbrocht in de stichten OIDA (betaikent in old Grieks ‘k Wait, k heb zain’). De stichten OIDA wil de exploitoatsie van Galerie en Mini theoater KUNST & VLIEGWERK veur elk tougankelk holden en zunder winstbejag. Wie van Toezeboudel bennen der bie op 2 Juni. In weke 23 zellen wie joe dij oavend heuren loaten via de aansloten omroupen.

In ‘Vantaainnoartaander’ Henk Puister mit n verhoal. Meer waiten en of luustern: www.toezeboudel.info. Prizzentoatsie Gerard Lunshof.

Wie loaten heuren:

Harry Niehof – Heibel in t cafe
Sproakwotter – Dreum van n vlinder
Swinder – Vekaansie
Hans van der Lijke – Hail wereld is kunst
Wia Buze – Mag ik din bie die
Edwin Jongedijk – Johan

Ekstroa biedroage:

Jan de Jong leest t verhoal ‘Oorlog’.