Muziek Marlene Bakker

Gepubliceerd op 10 maart 2017 | door Jan Glas

0

Marlene Bakker op Dag van de Grunneger toal 18 meert

Op Dag van de Grunneger toal zel Marlene Bakker optreden van 12:20 – 13:00 uur onder begelaaiden van Bernard Gepken en Arjen de Bock. Ze geft n veurproefke van heur aankommende debuutalbum.

Marlene Bakker is n opvallende verschienen ien t Grunnegstoaleg circuit. n Jonge vraauw begiftigd mit n prachtege stem. Heur vertolkens van Ede Staal, vertoalens van nummers van onder meer Tina Dico en Adèle en heur aigen waark bezörgen heur n hail aigen stee binnen de dialectpop en de Hollandse muziekscene. Doarnevens debuteerde zai vleden joar verrazzend as actrice noast Roger Goudsmit ien de Grunneger muziektheoaterveurstellen ‘Hoes en Heerd’. Mit optredens zoas tiedens de Nacht van Noord het Marlene al beheurlieke bekendhaid moakt. Aalgedureg is ze te heuren op Radio Noord mit ‘Wondern van mien stee’, ‘Golven’ en de singles ‘Heufd as Helm en ‘Loat Grunnen nait zakken’. Ook t duet Òfschaaid dat zai soamen mit Edwin Jongedijk zingt is nait bezied bleven. Dizze single kwam tot n nummer 1 notering ien de Noord 9 van RTV Noord.

Op dit moment wordt der waarkt aan n Grunnegstoaleg debuutalbum dat produceerd wordt deur Bernard Gepken en ien loop van 2017 oetkommen zel. Op t album speulen nait de minste muzikanten mit: drummer Nicky Hustinx (Eefje de Visser, Sofie Letitre en Weval), toetsenist Arjen de Bock (Maaike Ouboter en Bewilder) en bassist Reyer Zwart (Anne Soldaat, Jacqueline Govaert, Alex Roeka en Freek de Jonge). Doarnoast zel Marlene van t joar touren goan mit ‘Hoes en Heerd’, ‘Das Kabarett’ en het Grunnegstoaleg Volksverhoalen Project ‘Spinbarg’. Al mit al dus n veulbelovend joar!

Kiek HIER veur haile pergram op site Huis van de Groninger Cultuur.

Lees de MOI:

Tags: ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

14 − vijf =

Terug naar boven ↑
  • Muziek activiteiten

    Geen nieuwe activiteiten