Literatuur

Gepubliceerd op 4 september 2014 | door Webloug

0

Maria Magdalena-wedstried Liudgerstichten

Ze is der mor zo, Mirjam van Magdala, net as Melchizedek ien t Olde Testement. Ze is nait de dochter van, ze is nait de vraauw van, ze is nait de moeke van. Ze is der mor zo, bie Lucas aal ien hoofdstuk 8:2, mor bie aander drij evangelisten verschient ze pas op t ind.

Men nuimt Mirjam ien t Nije Testement Maria. En ze dragt nait noam van heur voader, mor men het heur noam geven van stad doar ze geboren is of woar ze woont.

Zo waaineg as evangelisten van heur vertellen, zo veul verhoalen binnen der boeten evangelies om ien omloop. Der is alderdeegs n evangelie van Maria Magdalena. En schoon dat ze nooit model stoan het, hebben verschaaident schilders ien loatere tieden n portret van heur schilderd.

Liudgerstichten nuigt joe geern om n verhoal te schrieven mit Maria Magdalena ien hoofdrol en/of n schilderij of n aander beeldend waark van heur te moaken.
Jury bestaait weer oet Henk Helmantel en Reinder Tuitma

Ien biebel komt Maria veur ien: Mt 27,56.61; 28,1 / Mc 15,40.47; 16,1.9 / Lc 8,2; 24,10 (7,37) / Jh 19,25; 20,1.18

Ienzendens (van beeldend waark n foto) veur 1 meert noar
r.tuitman@hetnet.nl of naar R. Tuitman Rzn., Johan Lewestraat 2, 9991 CS Middelstum.
Oetslag is op 12ten pril 2015.
Veur meer ienlichtens:
Tonko Ufkes: kayatz@telfort.nl
Klaas Pieterman: kg.pieterman@wxs.nl

Tags: , , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten