Algemeen Marcel Hensema, Dag van de Grunneger toal

Gepubliceerd op 13 maart 2015 | door Jan Glas

0

Marcel Hensema opent Dag van de Grunneger toal

Marcel Hensema opent de Dag van de Grunneger toal op 21 meert. Hensema  is geboren ien Winschoten, het zien Vooropleiding Theater ien Stad doan en is ienmiddels n bekend en renommeerd Nederlands acteur en regisseur. Noa de Toneelacademie ien Maastricht speult hai bie verschaaiden grote theoatergezelschappen en krigt hai rollen ien bekende speulfilms as Wild Romance van Jean van de Velde en Simon van Eddy Terstall (2004). Ook speult Hensema ien tv-series as de misdoadserie Penoza en de mit n Golden Kaalf bekroonde serie Hollands Hoop. Ook is hai actief as regisseur. Ien 2001 moakt Hensema zien eerste serie Finals en ien 2003 verschient zien eerste telefilm 15.35 Spoor 1, dij n nominoatsie krigt veur zowel n Golden Kaalf as veur de prestigieuze Prix D’Italia.

Sinds 2011 is Hensema verbonden aan t NNT, woar hai zien debuut moakt mit de succesvolle soloveurstellen Mijn Ede. Dizze veurstellen over Hensema’s jeugdjoaren ien Hoogezand, trekt ien Stad en pervinzie volle zoalen. Noa dit theoatersucces presenteert Marcel Hensema dit joar n nije veurstellen onder de noam: Mijn Tweede.

Pergrammoa Dag van de Grunneger toal.

(Foto: Reyer Boxem)

Tags: ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

dertien − 12 =

Terug naar boven ↑
  • Activiteiten