Column Tonko Ufkes, column, goed lek

Gepubliceerd op 20 november 2015 | door Webloug

0

‘Laang’ column van Tonko Ufkes

Laang

Misschien is dit wel t beste van zo’n hiele wandeltocht: Gelukkeg zit ik met mien voeten ien n tobke laauw wotter, noa t eten en noa verhoalen over hoe mooi en hoe ver. Haalf dreum ik over lopen tussen lange riegen mensen onderweegs van dörp noar dörp en over haarfstlaand met bomen. En overal geluud van stilte of meziek en t proaten met mien kammeroad Klaas. Stoadeg komt van binnen alles tot rust en krigt alles van vandoag zien plak. Ientussen vuul k mien voeten gieneens meer en warren die leste kilometers niet meer te laang mor krekt laang genogt.
Argens waas t verleden joar ok wel ver en mos ik die zotterdagoavend vroeg op berre, mor wat konden we op die biezundere dag veul lopen en zien en heuren. Traauwens, die zundag doarop ging t best wiet ik nog wel, zunder last van de voeten of de kuten. t Waas zulfs de mooiste dag van de hiele septembermoand!
‘Héé, tillefoon veur dij,’ klinkt het van hiel ver vot. Ik schrik wakker en wil geliek noar beneden stoeven. Dat kin niet; ik zit nog altied lekker met de voeten ien laauw wotter.
‘Wel is t?’ vroag ik doarom en heur dat t kammeroad Klaas is. Hij har meteen noa t oavendeten bellen wild over de vertrektied mörnvroeg. Dat bellen dut er eerst nou, want hij waas eefkes ien sloap vallen.
Beneden krieg k de tillefoon ien handen drukt en we proaten òf om 7 uur.
‘En hest der weer wat zin aan?’
‘Wat dochst, al laang!’

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

drie − 2 =

Terug naar boven ↑
  • Literatuur activiteiten

    Geen nieuwe activiteiten