Algemeen Toezeboudel

Gepubliceerd op 18 november 2017 | door Jan Glas

0

Krzysztof Groen en Henk Puister in Toezeboudel

Krzysztof Groen is te gast in Toezeboudel. Krzysztof komt uut Veendam, hai zingt in t Engels en in het Grunnegs. Hai speult vanòf zien twaalfde gitaar en speult bezunder geern Johnny Cash. Deur de meziek van Edwin Jongedijk ruik hai hail uut kedde deur ook Grunnegs zingen te goan. Veur zien aigen, deur homzulven moakte composities leverde de bekende schriever en dichter Henk Puister de teksten. Zai kwamen nkander tegen in Toezeboudel en de soamenwaarken was doar. Groen won in 2016 de daarde pries tiedens het Grunneger Laidjesfestival in t Der Aa-Theater. Omreden e dij oavond ook de pebliekspries won, mog e n single opnemen, dat wui ‘Noar de Volgende Ronde’ woarveur Puister de tekst schreven haar. Nou komt Zundag 26 november zien eerste Grunneger album uut. In Toezeboudel is e te gast, soamen mit tekstdichter/schriever Henk Puister dij weer ale teksten schreven het. Wie proaten over zien album. De noam van t album, hou kin t ook aans: ‘Noar de volgende ronde’.
Tineke Boersema leest n verhoal veur in ‘Vantainnoartaander’. En Eltje Doddema is der mit t woord van de weke. Prizzentoatsie Gerard Lunshof. Meer waiten: www.gerardlunshof.nl

Wie loaten heuren:

Sproakwotter – Dreum van n Vlinder
Roelof van der Velde – Grunnen
Fries Wolma – n Joar is zo veurbie
Verschaaiden nije nummer van Krzysztof Groen (nij)
Peter van der Veen – Toch zal ik altied aan die denken (nij).

Aly Freije leest ‘Wondpoeier’

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

7 − zes =

Terug naar boven ↑