Muziek

Gepubliceerd op 8 april 2014 | door Webloug

0

Kovvieconcert Warffums Mannenkoor 13 april ien Oethoezen

t Warffums Mannenkoor geft zundag 13 april om 11:00 uur n kovvieconcert ien de Jacobikerk ien Oethoezen. Dit concert is ain van de veule aktiviteiten ien t jubeljoar 2014, op 14 augustus viert t koor zien 115-joareg bestoan. t Koor telt 15 leden, t zol mooi wezen as dat ter wat meer werden. t Koor is op zuik noar nije leden. Ze zingen ien t Nederlands, Duuts, Engels, Fraans, Russisch, Deens, Latien en ook ien t Grunnegs. Der stoan n aantal getoonzette gedichten van Jan Boer op t reportoire. Elke moandagoavend wordt der ripteerd, noa ofloop wordt der mit n borrel noakeuveld.

Mit t Warffums Mannenkoor zellen t Gemengd koor Eendracht oet Oethoezen en Duo Bakker & Duin (pianiste Ineke Bakker en zangeres Ursula Duin) optreden. Theo Hes bespeult t Schnitgerörgel. Prizzentoatsie is ien handen van Riemke Bakker.

Zundag 13 april
Jacobikerk, Oethezen
Entree: 8 euro.

Kiek op WEBSTEE van t Warffums Mannenkoor.

Tags: , , , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten