Column Tonko Ufkes, column, goed lek

Gepubliceerd op 28 oktober 2015 | door Webloug

0

‘Kassa 2’ column van Tonko Ufkes

Kassa 2

De rieg bij kassa 2 is niet slim laang; twee, drie mensen hooguut en gaauw goan heur ogen noar links en noar rechts. t Wordt kassa 2. Ien één haand pakt ze de poar dinkjes uut het mandje en lijt die op t uutènde van e baand, vlak achter n enorme bult huusvraauwenboodschappen. Noar heur eigen dinkjes blift ze kieken – twee broodjes en n fleske appelsap – om argens noar te kieken.
Gewoon.
Met lutje hortjes schoeven de boodschappen veuruut en ze volgt alles met heur ogen; achter t lange hoar wat doar hieltied veur valt, holdt ze de broodjes en t fleske schaarp ien e goaten.
As ze host an e beurt is kiept n pak speklappen van e enorme bult en landt net tussen de broodjes en t fleske. Eefkes trekt ze met beide scholders, mor ze lijt het vlees niet terug.
Dan is t heur beurt en ze rekent alles òf: twee mueslibroodjes, n pak speklappen en n fleske appelsap. Noatied komt het ien n linnen taas. Het vlees niet, dat let ze leggen.

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

vijftien − 2 =

Terug naar boven ↑
  • Literatuur activiteiten

    Geen nieuwe activiteiten