Muziek

Gepubliceerd op 23 februari 2012 | door Webloug

0

Jubileumconcert van Wia Buze nou op DVD en CD

Wia Buze gaf op 12 november 2011 n oetverkocht jubileumconcert Ien Martiniplaze, soamen mit Lianne Abeln, Alje van Bolhuis, de Stroatklinkers en Klaas Spekken. n Registroatsie van dit concert verscheen dizze week op DVD en CD. 
Nooit eerder is der n concert van Wia Byuze op DVD oetbrocht. t Concert is n overzicht van Wia’s 25-joarege carrière as zangeres. Begelaaid deur t orkest van componist, arrangeur en bandlaaider Jur Eckhardt zingt ze n keuze oet heur mooiste luusterlaidjes mor ook de ‘vrolijke noot’ komt roemschoots aan bod. Noast de bekende laidjes zingt Wia ook n aantal nije nummers, zoas ‘Mien meziek’, schreven deur Jur Eckhardt, Mark Pepping en Tony Neef.

RTV-Noord mouk n registroatsie van t concert, dij nou dus op DVD/CD oetbrocht is ien ain box. Op CD stoan ook 4 nije nummers dij opnomen binnen ien studio van Jur Eckhardt, woaronder n duet mit Alje van Bolhuis: ‘Flink zijn’ van Robert Long, en t deur onder andere Tony Neef schreven ‘Mien meziek’. 

Wia heur eerste DVD soamen mit CD ligt ien de winkels en is ook op te koop via www.wiabuze.nl. De verkooppries is € 24,95.

Tags: , , , , , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten