Column

Gepubliceerd op 14 maart 2015 | door Webloug

0

‘Joenent veur Grunnen’ column van Tonko Ufkes

Joenent veur Grunnen  

Ieneent zie ik ze, alle drie. Of misschien beter, alle zes.
“Joenent veur Grunnen!” zeg ik haardop, of waas t zo òfproat. Eerst doarnoa moet ik lachen, ok haardop.
Verboasd schudt mien vraauw me an e aarm, mor ik kin aans niks uutbrengen as vannijs: “Joenent veur Grunnen”. Ientussen wies k noar n groot bred an n lanteernpoal, recloame van liest 14. Van verrens liekt het of doar drie jonge vraauwen op stoan, zunder bovenkleren.
’t Bennen paspoppen hur,’ wor ik terecht wezen, ‘en doe denkst ok allent an één ding!’ gijt ze deur.
‘Ja’ zeg ik noar woarheid, ‘ik denk altied an Grunneger toal en cultuur.’ En ien n poar grote hoalen vertel ik woar k zokrekt aan docht. Ik docht an de “Grönneger Bond” van Haarm Maaijer die ien e joaren ‘70, ‘80 n moal of wat metdee an e Stoatenverkiezengs. Dat ging met n grote foto van Haarm Maaijer soamen met n oldere, jonge vraauw op net zo’n bred an n lanteernpoal. En doar ston dan de slagzin bij: “Joenent veur Grunnen”.
‘Ah,’ heur ik noast me, ‘nou snap ik woarom ofstoe onder t lopen hieltied om dij hìn kikst en niet gewoon haalf op zo’n tillefoontje, zo as aandern.’
‘Juust, op dizze menier zie k veul meer bekenden. Sums wel drie – of beter zes – toegelieks.’ Haand ien haand lopen we weer deur en ik kiek mor één moal achterom.

tonko Ufkes, column. joenent veur grunnen(Foto: Tonko Ufkes)

 

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

1 + 19 =

Terug naar boven ↑
  • Literatuur activiteiten

    Geen nieuwe activiteiten