Algemeen

Gepubliceerd op 13 maart 2018 | door Jan Glas

0

Jan Veldman opener van de Dag van de Grunneger toal wint K. ter Laanpries

Op facebook verscheen dit bericht van n verboasde Jan Veldman.

veldman

De pries is verneumd noar de Grunneger onderwiezer, politicus en schriever Kornelis ter Laan (1871-1963) en wordt twijjoarleks oetlangd aan personen of instellingen dij heur verdainstelk moaken op t gebied van de Grunneger streektoal en cultuur. Eerdere winnoars binnen o.a. Marcel Hensema (2015), Hans van der Lijke (2013) en Aafke Steenhuis (2012).

Jan Veldman is geboren en getogen Grunneger (Doodstil) en veulziedeg schriever, van toneelteksten en filmscenario’s tot tv-scripts en laidjes. Ien t verleden schreef hai toneelteksten veur onder meer Tryater, Orkater, Ro-theater, Citadel, Theater te Water, WAARK en NNT. Ook was hai (mit)schriever van tv-serie Boven Wotter en succesvolle theaterfeuilleton Uut de Hoogte. Grunnegers kennen hom van nummers dij hai schreef en zong mit Voorheen de Bende ( ‘Doen ien Oskerd’ en ‘ Traainconducteur’) en Trio Kloosterboer (‘Bapao’). Ondanks dat Jan Veldman al tiedstieden ien t westen woont blift hai Grunneger ien haart en nieren.

Bie de opening van de Dag van de Grunneger Toal vertelt en zingt Jan Veldman zien verhoal. Over hou hai, as privépersoon van over ver, tegen t Grunnegs en Grunneger weden aankikt.

Tags: , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

9 − 5 =

Terug naar boven ↑