Literatuur

Gepubliceerd op 25 januari 2013 | door Webloug

0

Ind 2013 sprookjes van Grimm ien t Grunnegs


Ind 2013 zel der n Grunneger vertoalen oetkommen van n groot dail van de wereldberoemde sprookjes van Grimm. t Bouk zel as titel ‘Grunneger Grimm’ kriegen. Der worden viefteg sprookjes opnomen, vertoald deur Marten van Dijken en Geesje Vos dij o.a. ook mitwaarkt hemmen aan vertoalen van Grunneger Biebel en de Grunneger Kienderbiebel. De beroemde sprookjes  binnen ien 1812 veur t eerst verschenen en ien al meer as 160 toalen vertoald. Veureg joar is de eerste Vraize oetgoave verschenen: ‘Mearkes van Grimm’ ien n vertoalen van Anne Tjerk Popkema, dij ien Stad woont en waarkt. Peter Boersma en Hilda Groenesteyn hemmen ploaten moakt bie elk van de 50 sprookjes. Noagelnije ploaten dij nait allain aantrekkelk binnen veur kiender, mor deur de geloagdhaid, ook schier veur wozzen lu. Op omslag van bouk zellen de kleuren van Grunneger vlag bruukt worden. De Vraize versie is n groot succes worden en het veul aandacht ien de noordelke pers kregen. Vanwege t succes willen de moakers metain ook n Grunneger oetgoave moaken. Der kin din veurlezen worden aan (klaain)kiender ien de toal van de (groot)olden en kiender leren Roodkapke’ en ‘Snijwitje’ kennen, ienstee van ‘Roodkapje’ en ‘Sneeuwwitje’. Op Facebookpagina van de Gunneger Grimm worden je de kommende tied op hoogte holden van t verdere verloop van vertoalen en prizzentoatsie. Je monnen din wel n Facebook-account hemmen vanzulf.

Veur meer informoatsie kinnen je terecht bie:

Anne Tjerk Popkema

Taalburo Popkema.

06-25427548

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten