Algemeen henri wierth

Gepubliceerd op 14 januari 2017 | door Jan Glas

0

Henri Wierth in Toezeboudel

Henri Reider [Henri] Wierth (geb. Grunnen, 12 dezember 1936) was onderwiezer in Pekel. Noast dat e in t onderwies zeten het, is t n veulziedeg man. t Schrieven ston en staait nog altied hoog in t voandel bie Henri. Zo zat/zit e ondermeer in t bestuur van stichten woonvörm Bram in Nij Pekel, Stichten dörpshuus Ol Pekel, Kegelclub Concordia Ol Pekel, museum Kapiteinshuis Nij Pekel, en van 1988 tot 1998 de Grunneger Schieversverainen, vrijwilleger bie t Veenkolonioal Museum en stichten Grunneger Bouk. Körtom: mit bestuurszoaken bezeg wezen zit hom in t bloud. Doarnoast schrift e vanzulfm ook n bulde. Hai schrift veur Toal en Taiken en schreef voor t opheven tiedschrift Krödde. Zien verhoalen van Nansie Koakelhenne binnen hail bekind worden in pervinsie Grunnen en zulfs der boeten. Doar komt ook nog bie dat e veul sukses het as veurdrachtskunstenoar. Körtom: genogt om over te proaten. Henri Wierth, 80 joar, n prachtkerel dij vervast weer n bulde te vertellen het.
Ook proaten wie even mit Herman Hofstra van de Grunneger Sproak din hebben wie t over t Grunneger Laidjesfestival, dat holden wordt op 11 Feberwoarie. Wel doun mit: wie zitten in de jury. Meer waiten en of luustern en teruggeluustern www.toezeboudel.info. Prizzenetoatsie Gerard Lunshof.

Wie loaten heuren:

Fries Wolma – Noakend in de regen
Edwin Jongedijk – Ik Drink
Hans van der Lijke – Hou riek is mien laand
Krödde – Open deur
Roelof van der Velde – Vrijhaid
Martin Korthuis – Olle laifde

Tags: ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

3 × 2 =

Terug naar boven ↑
  • Activiteiten