Muziek Harry Niehof, column

Gepubliceerd op 10 maart 2017 | door Jan Glas

0

Harry Niehof 18 meert mit Groot Grunneger Band op Dag van de Grunneger toal

Op Dag van de Grunneger toal speult Harry Niehof mit oetgebraaide band de grode finoale van zien theoaterveurstellen Café op driefklaai. Mit Poediemagneten (Herman Grimme, toetsen; Johan Viswat, bas; Marcel Wolthof, slagwerk; Hans Bosch, saxofoon) en Poedettes (Conny Essbach, klarinet en accordeon; Inki de Jonge, CT Heida, Carmen Schilstra, zang) stoan ze oetèndelk mit negen man/vraauw op t podium om nog aainmoal Vraauw Smit, Haarm Jan en Hinnerk Beun te bezingen ien heur stried om t bestoan op t Hoogelaand.

Bie wieze van veurpergramma speult n saxofoonkwartet mit zangeres zien nummer ‘Dat bistoe’.

Bie de veurstellen Café op Driefklaai van Harry Niehof gaait t rond stamtoavel meer om de staarke verhoalen as dat t om staarke draank draait. Dat was al zo ien tied dat pa Niehof rond 1960 achter tapkaast ston, en is vannijs weer zo nou zeun Harry t café op podium, mit laidjes en verhoalen, tot leven wekt. Omstandegheden binnen wel aans: ien 1959 wer der gas ontdekt en zollen wie apmoal schatriek worden ja. Dat laip aans: wie kregen oeindelk veuraal te moaken mit eerdbevens.

Veur dit theoaterconcert het Harry Niehof anderhaalf joar laang mit verschaaiden Grunnegers proat, verder het e zien aigen herinnerns bruukt. Zo kinnen ie heuren hou Hinnerk Beun aan zien Mercedes kommen is, woarom Haarm Jan oet zien hoeske mot en dat Vraauw Smit veur t op bèr goan geern nog n drupke jenever iet n kovviekopke drinkt.

Kiek HIER veur haile pergram op site Huis van de Groninger Cultuur.

Lees de MOI:

Tags: ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

twintig + 13 =

Terug naar boven ↑
  • Muziek activiteiten

    Geen nieuwe activiteiten